Haliti: NATO shtoi trupat për Kurtin e Vuçiqin, jo për t’i ruajtur kufijtë e Kosovës

Teksa ka folur për situani e sigurisë në Ballkan, deputeti i PDK-së, Xhavit Haliti, ka thënë se NATO ka shtuar trupat e saj në Kosovë “për Kurtin e Vuçiqin” dhe “jo për t’i ruajtur kufijtë të Kosovës”.

Haliti ka theksuar presidenti serb, Aleksandër Vuçiq, është duke përdorur serbët e Kosovës për si “mish për top” dhe kështu po rritë tensionet mes dy vendeve.

“NATO, nuk e besoj që (ka shtuar trupat) për kufijtë e Kosovës. NATO ka ardhur për Vuçiqin dhe për Albin Kurti. Sepse, po e thjeshtësojë këtë për shkak të raporteve që janë krijuar dhe tensioneve që u rritën ne mes të dry palëve. Dhe fitili, tendencat kanë qenë që të ndezin fitilin brenda qytetarëve serbë, t’i përdorin si mish për top. Për interesa të veta Serbia dhe Vuçiq, me qëllim që pastaj të justifikohet vet Serbia që ne s’kemi ndërhyrë, po qytetarët janë të pakënaqur në politikat e Qeverisë së Kosovës dhe kanë vepruar në drejtim të asaj për ti mbrojtur të drejtat e veta. Kështu bëhet politika nuk bëhet me dëshirë”, ka than Haliti në “FIVE” të Dukagjinit.

Halti ka folur edhe për sigurinë në Ballkan teksa ka thënë se situata aktuale është në prag të shpërthimi të një konflikt botëror.