Sali: Institucionet duhet të përmbushin detyrimet në kohë për avancimin drejt BE-së

Zëvendëskryeministri dhe ministër për Çështje Evropiane, Bekim Sali, sot porositi se progresi drejt Bashkimit Evropian kërkon zbatimin e reformave dhe rezultateve që qytetarët do t’i ndiejnë në jetën e tyre të përditshme.

“Progresi drejt Bashkimit Evropian kërkon reforma që zbatohen dhe rezultate që qytetarët i ndiejnë në jetën e tyre të përditshme”, ka shkruar Sali në statusin në Fejsbuk pas mbledhjes në Qeveri me të cilën kryesoi kryeministri Hristijan Mickoski kushtuar Agjendës së Reformave.

Ai informoi se në mbledhjen e sotme kushtuar Agjendës së Reformave janë shqyrtuar aktivitetet në vijim, prioritetet dhe dinamika e zbatimit të masave të parapara.

“Është përgjegjësia jonë që secili institucion në kohë t’i përmbushë detyrimet e tij, me qëllime të qarta dhe koordinim të vazhdueshëm”, theksoi Saliu.

Sipas tij, Ministria për Çështje Evropiane mbetet e përkushtuar në ralizimin e rezultate të matshme përmes institucioneve më efikase, sundimit të ligjit dhe kushteve më të mira për zhvillim ekonomik.

“Përmbushja e Agjendës së Reformës është një investim në besimin e qytetarëve dhe në të ardhmen tonë evropiane”, deklaroi zëvendëskryeministri Sali.

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.