Itali, negociatat bërthamore SHBA-Iran në raundin e dytë

Përfaqësues nga Irani dhe Shtetet e Bashkuara u takuan sot  në Romë për raundin e dytë të negociatave bërthamore. Fillimi i bisedimeve u njoftua nga delegacioni iranian, i kryesuar nga ministri i Jashtëm, Abbas Araghchi.

Delegacioni i SHBA-së udhëhiqet nga i dërguari special për Lindjen e Mesme, Steve Witkoff.

Ministri i Jashtëm i Omanit, Badr al-Busaidi, po rimerr rolin e tij si ndërmjetës.

Presidenti amerikan Donald Trump e ka kërcënuar Teheranin me pasoja ushtarake nëse bisedimet dështojnë duke deklaruar se qëllimi i tij kryesor është të parandalojë një program iranian të armëve bërthamore.

Witkoff theksoi kohët e fundit se një marrëveshje do të arrihet vetëm nëse Teherani ndalon plotësisht programin e tij të pasurimit të uraniumit dhe zhvillimit të armëve, një shtrëngim domethënës në krahasim me deklaratën e tij të mëparshme që sugjeronte se pasurimi i kufizuar civil nën kontroll të rreptë mund të ishte i mundur.

Araghchi u shpreh i hapur ndaj lëshimeve në lidhje me programin bërthamor dhe nivelin e pasurimit të uraniumit duke theksuar se Irani nuk dëshiron të prodhojë një bombë bërthamore.

Në këmbim, Irani kërkon heqjen e sanksioneve amerikane.

Megjithatë, sipas Araghchi, një heqje dorë e plotë nga teknologjia bërthamore nuk është në diskutim.

Pika të tjera konflikti përfshijnë programin e raketave iraniane dhe politikën e Lindjes së Mesme, veçanërisht mbështetjen e Teheranit për grupet militante islamike që synojnë armikun e tyre të përbashkët, Izraelin.