Izraelitët përgjuan gazetarë e aktivistë/ Kompania e Spyware hakeroi 90 përdorues të Whatsapp

Një zyrtar i WhatsApp të kompanisë Meta tha se kompania izraelite e Spyware Paragon Solutions ka përgjuar përdorues të saj, duke përfshirë gazetarë dhe anëtarë të shoqërisë civile.

Zyrtari njoftoi se i kishte dërguar Paragon një letër ndalimi pas harkimit dhe WhatsApp theksoi se do të vijojë të mbrojë privatësinë e njerëzve në komunikim. Zyrtari i WhatsApp i tha Reuters se kishte zbuluar një përpjekje për të hakuar rreth 90 përdorues të platformës së saj.

Ai nuk pranoi të thoshte se kush, konkretisht, ishte në shënjestër ose ku ishin gjeografikisht, duke thënë vetëm se objektivat përfshinin një numër të paspecifikuar njerëzish në shoqërinë civile dhe media.

WhatsApp ka ndërprerë që atëherë përpjekjet e hakerave dhe po i referonte objektivat grupit kanadez të vëzhgimit të internetit Citizen Lab.

Kompanitë Spyware si Paragon u shesin softuer të nivelit të lartë të mbikëqyrjes klientëve të qeverisë dhe zakonisht i paraqesin shërbimet e tyre si kritike për luftimin e krimit dhe mbrojtjen e sigurisë kombëtare.

Por mjete të tilla spiunazhi janë zbuluar vazhdimisht në telefonat e gazetarëve, aktivistëve, politikanëve të opozitës dhe të paktën 50 zyrtarëve amerikanë, duke ngritur shqetësime për përhapjen e pakontrolluar të teknologjisë.

Paragon është përpjekur të pozicionohet publikisht si një nga lojtarët më të përgjegjshëm të industrisë. Faqja e internetit e kompanisë reklamon “mjete, ekipe dhe njohuri të bazuara në etikë për të penguar kërcënimet”.

/ abcnews.al