Janë arrestuar Shaban Saliu, Valjon Saracini, Bekim Neziri, zgjerohet hetimi për zjarrin në Koçan

Sipas informacioneve tona, hetimi po zgjerohet me 23 të dyshuar të rinj. Nëntëmbëdhjetë prej tyre janë arrestuar ose janë në proces të arrestimit, transmeton “360 shkallë”. Për një prej tyre është konstatuar se nuk ndodhet në vend. Bëhet fjalë për Driton Kuçin, gjithashtu ish-ministër i Ekonomisë nga radhët e BDI-së, i cili aktualisht është ambasador i vendit në Mbretërinë e Norvegjisë.

Në mesin e të arrestuarve është edhe drejtori aktual i Drejtorisë për Mbrojtje dhe Shpëtim (DMSH), Xhevat Selami, nga radhët e VLEN.

Në kuadër të hetimeve për zjarrin tragjik në Koçan, ku humbën jetën 61 persona, policia ka arrestuar ish-ministrat e Ekonomisë Valon Saraçini dhe Bekim Neziri, kuadër të BDI-së, si dhe ministrin aktual pa portofol dhe ish-drejtorin e DMSH-së, Shaban Saliu, mëson “360 shkallë” nga një burim brenda hetimit. Ndër të arrestuarit është edhe drejtori aktual i DMSH-së, Xhevat Selami, nga VLEN.

(Nga e majta në të djathtë) Valjon Saracini, Bekim Neziri dhe Shaban Saliu

Sipas informacioneve tona, hetimi po zgjerohet me 23 të dyshuar të rinj. Nëntëmbëdhjetë prej tyre janë arrestuar ose janë në proces të arrestimit. Për një prej tyre është konstatuar se nuk është në vend. Bëhet fjalë për Driton Kuçin, gjithashtu ish-ministër i Ekonomisë nga BDI, i cili aktualisht është ambasador në Norvegji.

Sipas mënyrës se si Prokuroria po e udhëheq hetimin, ekziston dyshim se në Ministrinë e Ekonomisë dhe në DMSH – por jo edhe në udhëheqësinë e Inspektoratit Shtetëror të Tregut – ekziston një lidhje shkak-pasojë që nga viti 2012 deri në momentin e shpërthimit të zjarrit në të ashtuquajturin kabare “Pulse” në Koçan.

Sipas informacioneve tona, të gjithë ata që kanë qenë ministra të Ekonomisë dhe drejtorë të DMSH-së që nga viti 2012, përfshirë edhe drejtorin aktual të DMSH-së, janë arrestuar. Ministri aktual i Ekonomisë, Besar Durmishi, nuk është i dyshuar.

Nga Prokuroria Publike konfirmojnë se është në zhvillim një aksion për arrestimin e disa personave në lidhje me zjarrin në Koçan.

“Me urdhër të prokurorit publik është në zhvillim një aksion për arrestimin e disa personave, në drejtim të zgjerimit të hetimeve për zjarrin në Koçan. Institucionet kompetente do ta informojnë opinionin në mënyrë të koordinuar sapo të përfundojnë veprimet që janë në proces”, njoftuan nga Prokuroria.

Në Prokurorinë Themelore Publike Koçan është në zhvillim procedura hetimore në lidhje me zjarrin në kabaren “Pulse” në Koçan, që ndodhi më 16 mars.

The post Janë arrestuar Shaban Saliu, Valjon Saracini, Bekim Neziri, zgjerohet hetimi për zjarrin në Koçan appeared first on