Japoni/ Kryebashkiakët e Hiroshimës dhe Nagasakit ftesë Trumpit për vizitë

Kryebashkiakët e Hiroshimës dhe Nagasakit kanë ftuar Donald Trump t’i vizitojë këtë vit, me rastin e 80-vjetorit të hedhjes së bombave atomike në dy qytetet japoneze.

Në një letër të përbashkët drejtuar presidentit amerikan, dy kryebashkiakët i kërkojnë atij që të vizitojë qytetet e tyre për të “dëgjuar personalisht dëshmitë e ‘himbakusa’ (të mbijetuarve të bombës atomike), për të kuptuar dëshirën e tyre të zjarrtë për paqe dhe për të thelluar mirëkuptimin e natyra çnjerëzore e armëve bërthamore.”

“Ne sinqerisht shpresojmë që ju të braktisni idenë e varësisë bërthamore dhe të ndërmerrni iniciativa të forta në favor të heqjes së armëve bërthamore dhe vendosjes së paqes globale të qëndrueshme”, theksojnë ata në letrën e tyre të datës 28 janar.

Në vitin 2010, ish-ambasadori i SHBA-së në Japoni, John Roush u bë zyrtari i parë amerikan që mori pjesë në përkujtimet vjetore të Hiroshimës, dhe dy vjet më vonë ai mori pjesë në ngjarjet ekuivalente në Nagasaki.

Barack Obama u bë presidenti i parë në detyrë që vizitoi Hiroshimën në vitin 2016, i ndjekur nga Joe Biden në vitin 2023. Donald Trump nuk i vizitoi dy qytetet martire japoneze gjatë mandatit të tij të parë, megjithëse ishte ftuar nga kryetarët e tyre, sipas mediave japoneze.

SHBA hodhi një bombë atomike në Hiroshima më 6 gusht 1945 dhe një tjetër në Nagasaki më 9 gusht. Këto janë të vetmet raste në histori që armët bërthamore janë përdorur në kohë lufte. Disa ditë më vonë Japonia kapitulloi.

Rreth 140,000 njerëz u vranë në Hiroshima dhe 74,000 në Nagasaki, mes tyre shumë që u mbijetuan shpërthimeve, por më vonë vdiqën nga efektet e rrezatimit.

SHBA nuk ka kërkuar kurrë falje për këto bombardime./abcnews.al