Këshilli i Sigurimit të OKB-së/ Golob dhe Zelensky diskutuan për armëpushimin në Ukrainë

Kryeministri slloven Robert Golob diskutoi për armëpushimin në Ukrainë dhe mbështetjen e Lubjanës për Kievin në kuadër të Këshillit të Sigurimit të OKB-së me presidentin ukrainas Volodymyr Zelensky.

Ky i fundit e falënderoi Golob për mbështetjen e Sllovenisë dhe të dy udhëheqësit diskutuan gjithashtu mbështetjen e mëtejshme të Sllovenisë për Ukrainën, veçanërisht në kuadër të Këshillit të Sigurimit të OKB-së, ku Sllovenia ka një vend me rotacion.

Udhëheqësi ukrainas i shpjegoi gjithashtu Golobit se në cilat kushte një armëpushim është i pranueshëm për Ukrainën, njoftoi qeveria në Lubjanë.

Biseda pasoi një sërë takimesh të mbajtura në nivel ndërkombëtar këtë javë për negociatat e mundshme për t’i dhënë fund luftës në Ukrainë.

Golob mori pjesë në një nga takimet në Paris përmes lidhjes video, duke theksuar rëndësinë e unitetit evropian dhe duke bërë thirrje për një armëpushim të menjëhershëm dhe tha se presidenti rus Vladimir Putin duhet të apelohet për të “ndaluar agresionin”./abcnews.al