Kompanitë gjermane planifikojnë pushime nga puna, situata e tregut e tensionuar

Kompanitë gjermane ende po planifikojnë të pushojnë punëtorët, sipas një raporti për shkurt të publikuar nga Instituti për Kërkime Ekonomike Ifo me qendër në Mynih.

Situata në tregun gjerman të punës mbetet e tensionuar, pjesërisht për shkak të ndryshimeve strukturore në ekonomi, komentoi Klaus Wohlrabe, kreu i kërkimit Ifo.

Tendenca drejt humbjes së vendeve të punës është pak a shumë e pranishme në të gjithë sektorët e ekonomisë gjermane, si në prodhim, ashtu edhe në shërbime, tregti dhe ndërtim.

Agjencia Federale Gjermane e Punësimit njoftoi se, sipas të dhënave të rregulluara sezonale, numri i të papunëve në janar u rrit me 11,000 në 2.88 milionë, për shkak të perspektivës së dobët ekonomike, numri i të papunëve në Gjermani pritet të vazhdojë të rritet këtë vit dhe së shpejti të kalojë shifrën prej tre milionësh, për herë të parë në dhjetë vjet./abcnews.al