Kriminaliteti në Vaud: Rritet dhuna në familje dhe mashtrimet digjitale
Dhuna në familje ka shënuar një rritje prej 11.7% me afro 4,000 raste të raportuara ndërsa Kriminaliteti digjital, me 5,013 raste, është rritur me pothuajse 40% The post Kriminaliteti në Vaud: Rritet dhuna në familje dhe mashtrimet digjitale appeared first on Albinfo.
Më 24 mars 2025, autoritetet e Kantonit të Vaudit prezantuan bilancin vjetor të kriminalitetit për vitin 2024. Të dhënat tregojnë një rritje prej 16.7% të numrit të përgjithshëm të shkeljeve ligjore krahasuar me vitin paraprak.
Në total, janë regjistruar 72,762 shkelje, shumica sipas Kodit Penal.
Tri fusha janë identifikuar si më shqetësuese dhe kërkojnë veprime të synuara: – Dhuna në familje, e cila ka shënuar një rritje prej 11.7% me afro 4,000 raste të raportuara. – Kriminaliteti digjital, me 5,013 raste, është rritur me pothuajse 40%, kryesisht mashtrime online dhe përdorim i paligjshëm i të dhënave. – Trafiku i drogës në rrugë, me një rritje të ndjeshme, veçanërisht në qytetet kryesore si Lozana, Vevey dhe Yverdon-les-Bains.
Pavarësisht kësaj rritjeje, autoritetet theksojnë se kriminaliteti në kanton ka rënë ndjeshëm krahasuar me vitin 2012, ndërsa popullsia ka vijuar të rritet.
Policia kantonale dhe bashkiake do të intensifikojnë masat parandaluese, ndërsa fokusi do të jetë gjithashtu në përmirësimin e mbështetjes për viktimat dhe rritjen e prezencës policore në terren.
(Z. B.)
The post Kriminaliteti në Vaud: Rritet dhuna në familje dhe mashtrimet digjitale appeared first on Albinfo.
