Kur e qeshura bëhet atdhe – “Luli & Goni Lemes”, me premierë në Zvicër

Komeida filmike  “Luli & Goni Lemes”, Premierë në Cyrih – E shtunë, 4 maj, ora 17:00 – Pathé Spreitenbach

Në një kohë kur shumë shqiptarë jetojnë larg vendlindjes, arti mbetet një nga mënyrat më të bukura për të qëndruar pranë njëri-tjetrit, për të kujtuar se kush jemi dhe përse duhet të jemi krenarë për rrënjët tona. Pikërisht këtë bën edhe komedia e fundit që po bën bujë: “Luli & Goni Lemes”, i cili vjen premierë në Zvicër më 4 maj, ora 17:00 në kinemanë Pathé Spreitenbach, Cyrih.

Kjo nuk është thjesht një mbrëmje filmash – është një ftesë për të qenë së bashku, për të qeshur së bashku, për të kujtuar traditat, për të ndjerë mallin dhe krenarinë për atdheun.

Një komedi shqiptare me shije të vërtetë emocioni

“Luli & Goni Lemes” është një komedi që ndërthur humorin e pastër me emocionin njerëzor dhe reflektimin shoqëror. Filmi rrëfen historinë e Gonit (Deivis Myslymi), një “djalë mamaje” tipik, dhe nënës së tij autoritare, Lemes (Aurela Gaçe), të cilët rikthehen nga emigrimi për të gjetur një nuse shqiptare tradicionale. Por rruga e kthimit drejt traditës bëhet shumë më interesante dhe qesharake me ardhjen e Lulit (Margent Caushi), një karakter i sinqertë, naiv dhe thellësisht komik, që përpiqet të ndihmojë, por shpesh sjell kaos e të qeshura pa fund.

Kasti përfshin gjithashtu Fjoralba Ponarin, e cila vjen në një rol të ri dhe do të sjellë një surprizë shumë të veçantë për publikun.

Aktorë që nuk luajnë rol – por jetojnë atë

Kasti i aktorëve, të cilët do të befasojnë me performancën dhe kiminë e tyre. Margent Caushi, i njohur për rolet e tij dytësore që gjithmonë kanë spikatur, shfaqet për herë të parë si protagonist. Deivis Myslymi, i suksesshëm në “Portokalli”, sjell një interpretim krejt ndryshe në film. Fjoralba Ponari shfaqet në një rol të ri për të, ndërsa Aurela Gaçe tregon se di të shkëlqejë jo vetëm në muzikë, por edhe në kinema. Përzgjedhja e aktorëve është bërë bazuar në përputhjen me rolin dhe kiminë mes tyre, duke shmangur konceptin e përzgjedhjes së emrave thjesht për të tërhequr vëmendje. Çdo aktor ka testuar veten përpara se të bëhej pjesë e projektit dhe kjo ka sjellë një harmoni të natyrshme në ekran.

Ky është një film ku çdo aktor nuk “bën rolin” – por e jeton atë. Dhe kjo ndjehet, sepse secili ka hyrë në këtë projekt me dashurinë për artin, për publikun dhe për atdheun.

Ndër të tjerë, filmi ka në kast emra si Rita Lati, Parodistët e Vlorës, Irini Qirjako, Arjola Demiri, Mehdi Malkaj, Gëzim Rudi, Engjëll Hoxha dhe aktorë të rinj që do të shfaqen për herë të parë në ekran.

Një film që ndërton ura emocionale mes diasporës dhe atdheut

Përtej të qeshurës, “Luli & Goni Lemes” është një pasqyrë që reflekton identitetin tonë shqiptar: marrëdhënien me familjen, zakonet tona, ç’na bën unikë, por edhe ç’na bën njerëzorë në çdo vend ku ndodhemi. Ai na kujton se edhe kur jemi larg atdheut, zemra rreh shqip.

Ndryshe nga komeditë e zakonshme, “Luli & Goni Lemes” nuk është thjesht një film me batuta. Përveç të qeshurave, filmi do t’ju bëjë të emocionoheni, të dashuroheni dhe të reflektoni. Në thelb, ai vendos në lojë disa fenomene të shoqërisë shqiptare duke përcjellë mesazhe përmes gjuhës universale të humorit – që në fund të fundit, është aftësia për të qeshur me veten.

Kjo komedi është një mjet për të qeshur, për të shplodhur shpirtin, por edhe për t’u bashkuar rreth asaj që na mban gjithmonë të lidhur – dashuria për vendin tonë, për njerëzit tanë dhe për vetveten si shqiptarë. Një mundësi për t’u ndjerë sërish si në shtëpi, për të ndarë të qeshura me njerëzit tuaj, për të përjetuar mallin në formën më të bukur – atë të artit.

Sponsor medial i filmit është Albinfo.ch, platforma më e njohur për informim në gjuhën shqipe në Zvicër dhe diasporë. Përmes mbështetjes së saj, promovimi i kulturës shqiptare në mërgatë merr një dimension edhe më të gjerë dhe më të qëndrueshëm.

E shtunë, 4 Maj – ora 17:00 – Pathé Spreitenbach, Cyrih
Një film që nuk duhet humbur. Një përvojë për t’u kujtuar.
Merrni familjen, shokët, miqtë. Kjo është një mbrëmje që i përket të gjithëve – një festë shqiptare.

Sepse kur qeshim me njëri-tjetrin, kur ndajmë historitë tona, ne ruajmë më të çmuarën: shpirtin tonë kombëtar.
Sepse kultura është atdheu që marrim me vete kudo që shkojmë.
Sepse në këtë film, vendlindja flet. Dhe ju fton.

Mos mungoni!

Biletat mund t`i rezervoni në linkun: Réservation Cinémas Pathé.

The post Kur e qeshura bëhet atdhe – “Luli & Goni Lemes”, me premierë në Zvicër appeared first on Albinfo.