Ky kanton renditet ndër vendet më mikpritëse në botë

Në renditjen e saj të re ndërkombëtare, Traveler Review Awards 2025, platforma e udhëtimeve e vendosi Graubünden në vendin e 5-të nga 220 vende të vlerësuara, përcjell albinfo.ch.

Rezultatet bazohen në 240 milionë komente nga përdoruesit e portalit, të cilët kishin për detyrë të zgjidhnin vendndodhjen me “mikpritje dhe shërbime të jashtëzakonshme”.

Ky është vlerësimi i dytë i lartë që i bëhet një lokacioni zviceran në ditët e fundit.

Më 21 janar, revista Vogue veçoi Luganon, duke thënë se qyteti Ticino ia vlen të vizitohet edhe më shumë se liqeni më i famshëm Como në Italinë e afërt. /Albinfo.ch

The post Ky kanton renditet ndër vendet më mikpritëse në botë appeared first on Albinfo.