Lajmi i madh për tifozët kuqezi: Një firmë pesëvjeçare po afron revolucionin

AC Milan është shumë pranë finalizimit të transferimit të Conrad Harder nga Sporting CP. Sipas burimeve të shumta të afërta me klubin, mesfushori ka përfunduar testet mjekësore dhe pritet të nënshkruajë kontratën me klubin kuqezi brenda 24 orëve të ardhshme.

Lëvizja u përshpejtua ndjeshëm pas dështimit të Milanit për të siguruar shërbimet e Victor Boniface. Klubi reagoi menjëherë duke arritur një marrëveshje të shpejtë me Sporting dhe me vetë lojtarin, përcjell ORAinfo.

Detajet e marrëveshjes:

Klubi i ardhjes: Sporting CP

Çmimi i transferimit: 24 milionë euro + 3 milionë euro bonuse

Klauzola e shitjes së ardhshme: 10% për Sporting

Kontrata personale: Deri në qershor 2030

Rroga: 1.5 milionë euro neto në sezon

Agjentët e Harder kanë qenë në Milano ditët e fundit, duke përshpejtuar gjithçka drejt finalizimit. Sipas gazetarit të Daniele Longo, gjithçka është në fazën përfundimtare, ndërsa SempreMilan.it raporton se tashmë marrëveshja është “e mbyllur”.

Në rast se gjithçka përfundon pa pengesa, Harder do të jetë afrimi i radhës në një merkato ku Milan ka shfaqur ambicie të qarta për sezonin e ri. /ORAinfo/