“Lavdi mbretit të drogës!” Pas thirrjes, grupit muzikor meksikan u hiqen vizat e SHBA

Departamenti Amerikan i Shtetit ka hequr anëtarëve të një bande meksikane për “lavdërim të një mbreti droge”.

Zëvendës Sekretari i Shtetit Christopher Landau tha se grupi, “Los Alegres del Barranco”, kishte projektuar një imazh të El Mencho në një ekran gjatë një koncert të fundit në Meksikë.

El Mencho, emri i vërtetë i të cilit është Nemesio Oseguera Ramos, është lideri i Kartelit të Gjeneratës së Re Jalisco (CJNG), një nga bandat më të frikshme të trafikut të drogës.

CJNG është një nga tetë grupet kriminale të cilat administrata Trump i shpalli së fundmi “organizata të huaja terroriste” si pjesë e strategjisë së saj për të “siguruar eliminimin total” të këtyre grupeve në SHBA.

Grupi u përplas me autoritetet amerikane dhe ato meksikane të shtunën kur shfaqën një imazh të El Mencho-s gjatë koncertit të tyre në qytetin meksikan të Zapopan. Fotoja u projektua, ndërkohë që ata luanin një këngë që e lavdëron atë si “një burrë lufte që e do familjen e tij” dhe lavdëronin bëmat e tij si udhëheqës i “kartelit me katër shkronja”, një referencë e fshehtë për CJNG.

Këngë që lavdërojnë liderët e kartelit të drogës, nuk janë të rralla në Meksikë./abcnews