Makina e Papës, ndihmë për Gazën/ Klinikë lëvizëse për fëmijët, amanet i Françeskut

Një nga makinat që Papa Françesku ka përdorur gjatë udhëtimeve të tij do të kthehet në një klinike shëndetësore të lëvizshme për të ndihmuar fëmijët e Gazës.

Vatikani tha se kjo ishte një nga dëshirat e fundit të Atit të Shenjtë para se të ndërronte jetë në 21 prill. Automjeti që do të përdoret është ai nga i cili Papa i ndjerë përshëndeti mijëra njerëz gjatë një vizite në Betlehem në vitin 2014.

Makina po pajiset me gjithçka që nevojitet për kujdesin në vijën e parë në një zonë lufte, tha organizata bamirëse e cila po mbikëqyr projektin. Në të do të ketë teste të shpejta, komplete për të kuruar plagët, shiringa, furnizim me oksigjen, vaksina dhe një frigorifer të vogël për të ruajtur ilaçet.

Automjeti është aktualisht në Betlehem dhe do të hyjë në Gaza nëse dhe kur Izraeli të hapë një korridor humanitar. Një ekip mjekësh do të drejtojë klinikën e lëvizshme, e cila do të ketë aftësitë për të ekzaminuar dhe trajtuar pacientët, dhe do të ketë një shofer të dedikuar. Disa detaje janë ende duke u finalizuar, si p.sh. si ta automjeti të bëhet i sigurt nga shpërthimet e mundshme.

Lufta midis Izraelit dhe Hamasit në Rripin e Gazës ka vrarë më shumë se 15,000 fëmijë dhe ka zhvendosur gati një milion që nga fillimi i saj në tetor 2023, raporton UNICEF.

Izraeli ka bllokuar ndihmën humanitare që të hyjë në Rrip për më shumë se dy muaj, ndërsa ushqimi, uji i pastër dhe ilaçet arrijnë nivele shumë të ulëta.