Nuk u mbijetoi plagëve, vdes Ismet Alimusaj pas aksidentit në Loxhë të Pejës

Ismet Alimusaj nga Strellci i Deçanit, i cili ishte aksidentuar më 18 gusht në fshatin Loxhë të Pejës, ka ndërruar jetë sot në një spital në Shkup, merr vesh Sinjali.

Lajmin për vdekjen e njërit prej personave të aksidentuar e ka konfirmuar për Sinjalin edhe zëdhënësi i Policisë për rajonin e Pejës, Driton Rugova.

“Sot, më 5 shtator 2026, Policia është informuar se një person, i cili ishte aksidentuar më 18 gusht në fshatin Loxhë, ka ndërruar jetë në një spital në Shkup. Trupi i pajetë do të dërgohet në Institutin e Mjekësisë Ligjore për obduksion”, deklaroi Rugova.

Rrethanat në të cilat kishte ndodhur aksidenti po hetohen nga organet kompetente.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.