Meksikë/ Përfshihet nga flakët qendra e rehabilitimit të përdoruesve të drogës, 5 persona të vdekur

Pesë persona humbën jetën në një zjarr në një qendër rehabilitimi për përdoruesit e drogës në Meksikë njoftuan autoritetet lokale.

Ngjarja tragjike ndodhi mëngjesin e djeshëm në sektorin Tlalpan, në jug të kryeqytetit, dhe shërbimet e zjarrfikësve dhe të ndihmës së parë u mobilizuan menjëherë.

Ekipet e ambulancës që mbërritën në vend morën 11 persona, pesë prej të cilëve kishin ndërruar jetë për shkak të thithjes së tymit. Autoritetet po hetojnë shkakun e zjarrit, ndërsa menaxheri i qendrës dhe katër persona të tjerë do të japin dëshminë përpara prokurorit. Rreth dhjetë persona u shpëtuan dhe disa u dërguan në spitale.

Qendrat e rehabilitimit në Meksikë janë shpesh të menaxhuara nga organizata joqeveritare dhe janë akuzuar për abuzime ndaj pacientëve dhe kushte të pamjaftueshme për trajtimin e tyre.

/ abcnews.al