Ministrja e Kurtit e godet Vjosa Osmanin: “Manipulim i paskrupullt”, nata e dytë përplasjeve të ashpra qeveri-presidencë

Presidentja e Republikës së Kosovës në opinionin e saj kundërshtues për shtrenjtimin e çmimit të energjisë elektrike nga ZRRE, kishte publikuar edhe një tabelë në të cilën tregonte se çmimi i rrymës brenda katër viteve në kumulativ ishte rritur 126 %, shkruan Express.

Lidhur me një konstatim të tillë rreth shtrejntimit të rrymës ka reaguar ministrja e Ekonomisë dhe Energjetikës, Artane Rizvanolli, Sipas Rizvanollit, ky është një manipulim i paskrupullt dhe zmadhim i rritjes së çmimit të energjisë.

“Pra, rrena “126%” është zmadhim 5-8 herë i shifrave reale, varësisht cilit grup të konsumatorëve i referohemi”, ka shkruar Rizvanolli, duke publikuar dhe disa tabela rreth konsumit të energjisë dhe tarifave.

Reagimin e Rizvanollit e ka shpërndarë edhe zëdhënësi i Qeverisë së Kosovës, Perparim Kryeziu.