Trump “shton” ditët e TikTok/ Vonon mbylljen e platformës në SHBA: Do ta blejmë

Afati për mbylljen e TikTok në Shtetet e Bashkuara është shtyrë me 75 ditë.

Presidenti Donald Trump than ë një postim në Truth Social, se do ta vonojë sërish mbylljen e platformës, teksa stafi I tij vazhdon të punojë për një marrëveshje për të ruajtur aksesin e amerikanëve në TikTok.

“Administrata ime ka punuar shumë për një marrëveshje për të shpëtuar TikTok dhe ne kemi bërë përparim të jashtëzakonshëm. Marrëveshja kërkon më shumë punë për të siguruar që të gjitha miratimet e nevojshme të jenë nënshkruar”

Trump shtoi se pret që të punojë me TikTok dhe me Kinën për një marrëveshje, teksa u ndal edhe te tarifat që vendosi ndaj vendit aziatik.

“Shpresojmë të vazhdojmë të punojmë në mirëbesim me Kinën, të cilët unë i kuptoj se nuk janë shumë të lumtur për tarifat tona reciproke (të nevojshme për tregti të drejtë dhe të balancuar midis Kinës dhe SHBA!). Kjo dëshmon se tarifat janë mjeti më i fuqishëm ekonomik dhe shumë i rëndësishëm për Sigurinë tonë Kombëtare! Mezi presim të punojmë me TikTok dhe Kinën për të mbyllur Marrëveshjen”

Financial Times kishte raportuar se Trump po shqyrtonte përdorimin e kërcënimit të tarifave për t’i bërë presion Pekinit që të lejonte ByteDance t’ia shiste TikTok një entiteti amerikan.

Lajmi për TikTok vjen pasi Pekini vendosi të hakmerrej ndaj tarifave tregtare të  Shteteve të Bashkuara të Amerikës. Kina njoftoi se do të vendosë tarifë prej 34% për mallrat amerikane duke nisur nga 10 prilli, e njëjta tarifë që Trump njoftoi ndaj Kinës duke pershkallezuar keshtu ate qe konsiderohet nje lufte tregtare. Kina njoftoi gjithashtu ngritjen e një padie në organizatën botërore të tregtisë./abcnews.al