Tarifat/ Trump: I hapur për negociata, do t’i heq vetëm për oferta të jashtëzakonshme

Pasi vendosi tarifat ndaj vendeve të ndryshme të botës, Donald Trump tha se është i hapur për negociata me vendet e tjera.

Por, kjo do të varej nga fakti nëse ato kishin diçka “të jashtëzakonshme” për të ofruar në këmbim, , shkruan Sky News.

Duke folur me gazetarët në Air Force One, Trump gjithashtu përsëriti qëndrimin se vendet e tjera kanë përfituar prej kohësh nga SHBA-ja dhe ai dëshiron që kjo të ndalet.

“Tarifat na japin një fuqi të madhe për të negociuar. Çdo vend na ka telefonuar”, deklaroi lideri amerikan.

I pyetur se çfarë do të duhej për ta shqyrtuar mundësinë e tërheqjes, Trump shtoi se “nëse dikush do të thoshte se do të na jepte diçka që është aq e jashtëzakonshme, për sa kohë që ata po na japin diçka të mirë”./abcnews.al