Muriqi i jep epërsinë Kosovës ndaj Irlandës

Vedat Muriqi ka shënuar për Kosovën në përballjen ndaj Irlandës, duke i dhënë epërsinë “Dardanëve” në stadiumin “Fadil Vokrri”.

Sulmuesi kosovar realizoi në minutën e 83-të, pas një ndeshjeje në të cilën Kosova kishte krijuar disa raste të rrezikshme për gol.

Muriqi kishte rrezikuar edhe më herët portën irlandeze. Në minutën e 9-të provoi me kokë, ndërsa në minutën e 22-të pati një tjetër mundësi, por goditja e tij përfundoi jashtë. Në minutën e 29-të, ai ishte sërish pranë golit, por mbrojtja irlandeze e largoi topin nga vija e portës.

Pas pjesës së parë të mbyllur 0-0, Kosova vazhdoi presionin dhe në pjesën e dytë e gjeti golin përmes Muriqit.

Me këtë realizim, sulmuesi kosovar bëhet protagonist kryesor i momentit vendimtar të ndeshjes ndaj Irlandës.

The post Muriqi i jep epërsinë Kosovës ndaj Irlandës appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.