Nestlé përballet me hetime për ujin mineral në Belgjikë

Rregulloret dhe proceset e prodhimit të ujit mineral nga Grupi Nestlé janë duke u hetuar në Belgjikë. Të martën, fabrika e Valvert, një markë e Nestlé Waters, u kontrollua në qytetin Étalle.

Lajmi, i raportuar nga disa media belge, u konfirmua të mërkurën nga zyra e prokurorit publik për agjencinë e lajmeve AFP. Hetimet janë të ngjashme me ato të nisura në Francë. Nestlé Waters — që zotëron markat si Vittel, Contrex dhe Perrier — është subjekt i padive në Francë për mbushjen e ujit me procese të paligjshme të filtrimit, transmeton albinfo.ch.

Nga ana e saj, Nestlé Waters Benelux ka deklaruar se po bashkëpunon plotësisht me autoritetet. “Të gjitha ujërat tona janë plotësisht të sigurta për konsum dhe përbërja e tyre minerale i korrespondon informacionit të dhënë në etiketa,” shpjegoi kompania.

The post Nestlé përballet me hetime për ujin mineral në Belgjikë appeared first on Albinfo.