Ngritet aktakuzë ndaj dy serbëve dhe një boshnjaku për krim*e lufte ndaj 14 shqiptarëve në Pejë

Prokuroria Speciale e Kosovës ka ngritur aktakuzë ndaj të pandehurve R.V. dhe M.V. të nacionalitetit serb, dhe A.Ç. të nacionalitet boshnjak, pasi dyshohet se kanë kryer veprën penale “Krimi i luftës kundër popullsisë civil”.

Në njoftimin e prokurorisë thuhet se të pandehurit si pjesëtarë rezervë të Policisë të Stacionit Policor në Pejë, në bashkëkryerje me pjesëtarë të forcave policore serbe, gjatë kohës së luftës në Kosovë, në fshatin Ozdrim, Komuna e Pejës dhe në fshatrat përreth regjionit të Pejës, kanë kryer vrasje, dëbim, shkatërrim të pasurisë dhe keqtrajtim ndaj popullsisë civile shqiptare që nuk ishin të përfshirë në luftë, me ç’rast u vranë 14 civil të nacionalitet shqiptar.

Ndër tjera, shtohet se “prokuroria ka propozuar mbajtjen e gjykimit në mungesë, konform dispozitave të KPPK-së, për shkak se të pandehurit gjenden në arrati”.