Ngritjet dhe uljet e vonuara në aeroportin e Cyrihut mund të bëhen më të shtrenjta për linjat ajrore

Aeroporti më i madh ndërkombëtar i Zvicrës po kërkon një rritje të tarifave shtesë të zhurmës për ngritje pas orës 23:00 dhe një tarifë shtesë për ngritje nga ora 23:15 e tutje.

Kjo masë synon të krijojë një nxitje për linjat ajrore që të nisen sa më shpejt që të jetë e mundur në rast të vonesave, transmeton albinfo.ch.

Uljet ndërmjet orës 23:15 dhe 23:30 do të bëhen gjithashtu më të shtrenjta.

Vendimi përfundimtar do të merret nga Zyra Federale e Aviacionit Civil,  e cila tani po zhvillon një seancë dëgjimore për këtë lëvizje deri më 10 shkurt.

The post Ngritjet dhe uljet e vonuara në aeroportin e Cyrihut mund të bëhen më të shtrenjta për linjat ajrore appeared first on Albinfo.