Osmani takohet me homologun e saj bullgar dhe Mbretin e Jordanisë

Presidentja Vjosa Osmani, me ftesë të Mbretit të Jordanisë, Abdullah II dhe presidentit të Bullgarisë, Rumen Radev, po qëndron në Bullgari, për ta përfaqësuar Kosovën krahas liderëve të tjerë në Takimin e nivelit të lartë të Procesit Aqaba për Ballkanin III, i cili do të mbahet në Sofje.

E para e vendit në llogarinë e saj në Facebook, ndau një foto që lë të kuptohet se ajo u takua me Mbretin e Jordanisë ashtu edhe me homologun e saj bullgar.

“Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal”, ka shkruar Osmani në Facebook.