Paris: Kosova në “20th Energy Efficiency Policy Training Week”

Pjesëmarrja e Kosovës në “20th Energy Efficiency Policy Training Week” të organizuar nga IEA në Paris, përcjell albinfo.ch.

Këtë javë, në Paris po mbahet seminari i rëndësishëm “20th Energy Efficiency Policy Training Week”, i organizuar nga Agjencia Ndërkombëtare e Energjisë (IEA), i cili mblodhi ekspertë dhe vendimmarrës nga e gjithë bota në fushën e efikasitetit energjetik.

Në këtë trajnim intensiv njëjavor po marrin pjesë edhe zyrtarë nga Republika e Kosovës, të cilët përfaqësojnë disa institucione kyçe:

Fondi i Kosovës për Efiçiencë të Energjisë (FKEE), Ministria e Ekonomisë, Ministria e Mjedisit dhe Planifikimit Hapësinor, si dhe LuxDev.

Me rastin e qëndrimit të tyre në Paris, patëm kënaqësinë t’i presim në Ambasadën e Republikës së Kosovës për një takim miqësor dhe të frytshëm, gjatë të cilit u diskutua për prioritetet tona të përbashkëta në fushën e energjisë, mundësitë e bashkëpunimit ndërkombëtar dhe zhvillimin e qëndrueshëm.

The post Paris: Kosova në “20th Energy Efficiency Policy Training Week” appeared first on Albinfo.