Pas planit të Kurtit edhe kryeministri Rama: Nga 1 janari 2026, paga minimale 500 euro

Kryeministri i Kosovës dje në një mbledhje të Qeverisë shpalosi planin e tij që në një të ardhme shumë të shpejtë, paga 500 euro do të jetë minimalja në shtetin e Kosovës.

Njëjtë edhe nga janari i vitit 2026, paga minimale në Shqipëri do të jetë 500 euro, u shpreh kryeministri Edi Rama, përcjell albinfo.ch.

https://www.albinfo.ch/kurti-shpalos-planin-per-rritje-te-pages-minimale-mbi-500-euro/

Gjatë komunikimit me qytetarët në “Sy m’sy”, Rama tha paga mesatare sot në Shqipëri është 830 euro.

“Kur ne morëm detyrën pagën mesatare në sektorin publik, pra në punë shteti e kishim 372 euro edhe që sot vitin 2024 e mbyllëm me 1 mijë euro pagën mesatare, Instati, pra referoju Instatit. Pra kemi bërë një rritje shumë të lartë, po të them pagën mesatare të përgjithshme, atë të kombinuarën, se atë sektor publik, sektor privat e kishim 322 dhe e kemi sot e kemi sot 830 euro. 830 euro është paga mesatare sot në Shqipëri e përgjithshmja. Ajo në sektorin publik është 1 mijë euro, si qenka njësoj. Po paga minimale? Paga minimale e kishim 157 euro e kemi 400 euro dhe me vendim siç e kam thënë edhe më parë në qershor do ta bëjmë 500 euro, që do të hyjë në efekt nga janari 2026 pagën minimale 500 euro. Ndërkohë që, shumica e kompanive, shumica e bizneseve e kanë shumë më të lartë pagën minimale. Çfarë të të të them. Kush nuk do të dëgjojë nuk dëgjon, është më shurdh sesa ai që realisht ka probleme e dëgjimin. Kush nuk do të shikojë është më i verbër se ai që ka probleme me shikimin, dihet kjo”.

The post Pas planit të Kurtit edhe kryeministri Rama: Nga 1 janari 2026, paga minimale 500 euro appeared first on Albinfo.