Pesë të vrarë dhe 20 të plagosur nga një sulm rus në Ukrainë

Të paktën pesë persona janë vrarë dhe 20 të tjerë janë plagosur nga një sulm i Rusisë në Izium, në rajonin e Kharkivit. Sulmi rus raportohet të ketë shkatërruar pjesërisht ndërtesën e administratës së qytetit dhe një ndërtesë banimi pesë-katëshe.

Sipas autoriteteve ukrainase, një operacion kërkim-shpëtimi është duke u zhvilluar.

Presidenti ukrainas, Volodymyr Zelensky, ka reaguar duke e dënuar sulmin.

“Është e pamundur të pajtohemi me këtë mizori. Ne duhet të bëjmë presion mbi Rusinë, të aplikojmë sa më shumë forcë, forcën e armëve, forcën e sanksioneve, forcën e diplomacisë, për të ndaluar terrorin dhe për të mbrojtur jetën”, ka shkruar Zelensky.