Petkoviq: M’u ndalua hyrja në Kosovë, s’më dhanë asnjë shpjegim

Drejtori i të ashtuquajturës zyrë për Kosovën në qeverinë serbe, Petar Petkoviq tha sot se Kosova, pa i dhënë asnjë shpjegim, ia ka ndaluarhyrjen në vend edhe pse vizita e tij tha se kishte “karakter fetar”. Ai tha se do të merrte pjesë në liturgjinë e mesnatës së Pashkëve në manastirin e Graçanicës.

“Ka një vit, edhe pse jam negociatori kryesor me Prishtinën, nuk më lejojnë ta vizitoj territorin e Kosovës dhe në këtë mënyrë i shkelin të gjitha marrëveshjet”, tha Petkoviq në TV Pink, duke theksuar se vizitën e kishte paralajmëruar “me kohë”.

Ai tha se deklaratat e kryeministrit të Kosovës Aljbin Kurti tregojnë se Kosova “nuk ka ndërmend ta formojë kurrë një asociacion të komunave serbe”.

Ai tha se Kosova “nuk do të jetë kurrë shtet”, duke konfirmuar se Beogradi do të vazhdojë të përzihet në Kosovë.

Ai përmendi edhe luftën e Serbisë për ta parandaluar anëtarësimin e Kosovës në Këshillin e Europës./express

Tags Kerko

Kete lajm mund ta gjeni direkt ne linqet me posht:
Drejtori Kosov Petar Petkoviq Kosova Pashk Prishtin Aljbin Kurti Beogradi Serbis Europ

Kerko ne Google fjalet :

Kliko mbi fjalet me posht shfaqet kerkimi:
Drejtori Kosov Petar Petkoviq Kosova Pashk Prishtin Aljbin Kurti Beogradi Serbis Europ

Shiko videon ...