Pezullimi i ndihmave amerikane/ Refugjatët Rohingya në Bangladesh rrezikojnë të mbeten pa ushqime

Ndërprerja e ndihmës amerikane ka pasur pasoja për shumë vende në të gjithë botën.

Të prekur janë edhe refugjatët Rohinxha që janë zhvendosur nga Mianmari në Bangladesh.

Të dëbuar nga shtëpitë e tyre, shumë nga Rohinxha kanë jetuar që atëherë në vendbanime refugjatësh të varur tërësisht nga ndihma humanitare.

Kjo ndihmë – e udhëhequr kryesisht nga Shtetet e Bashkuara – rrezikon të ndërpritet, pas dekretit të Presidentit të SHBA Donald Trump për të ngrirë pjesën më të madhe të ndihmës së jashtme të vendit të tij.

Për më shumë se 1 milion refugjatë Rohinxha në Bangladesh do të thotë se ata mund të mbeten me shumë pak ushqim dhe para për të mbijetuar.

Programi Botëror i Ushqimit i OKB-së tha se nëse nuk është në gjendje të mbledhë fonde, nuk do të ketë zgjidhje tjetër veçse të përgjysmojë racionet e ushqimit në 6 dollarë në muaj nga 12.50 dollarë.

Çdo rënie e ndihmave humanitare mund të ketë ndikim ekstrem në jetën e refugjatëve Rohinxha.

Rohinxha janë një grup i pakicës etnike myslimane që kanë jetuar për shekuj në Myanmar me mbizotërim budist. Ata nuk njihen si një grup etnik zyrtar dhe u është mohuar shtetësia që nga viti 1982, duke i bërë ata popullsinë më të madhe pa shtetësi në botë.