Prokuroria në Prishtinë thotë se nuk është hapur një grup tjetër sikur “Albkings”

Prokuroria Themelore në Prishtinë thotë se rasti i njohur në publik si “Albkings” është trajtuar me prioritetin dhe seriozitetin më të madh nga ana e Prokurorisë.

Themelorja duke iu referuar lajmit të portalit “Insajderi” me titull “Shtetit i iki Edin Nevzadi, rihapet një grup tjetër sikur “Albkings”/Pamjet tronditëse”, thotë se lajme të këtij lloji nuk janë të vërteta.

“Prokurori i Shtetit në bashkëpunim me Policinë e Kosovës gjatë gjithë fazës së hetimit, por edhe pas ngritjes së aktit akuzues ka përcjell me kujdes dhe trajtuar me vëmendje çdo informacion mbi mundësinë e rihapjes së këtij grupi apo grupeve tjera me përmbajtje të ngjashme, informacione këto të cilat pas verifikimit kanë rezultuar të pavërteta”, shton tutje kjo prokurori.