Raportimet për emërimin e mbesës së Sveçlës si diplomate, Konjufca: S’merrem me emra, unë vetëm i nënshkruaj

Ministri i Punëve të Jashtme dhe Diasporës, Glauk Konjufca, ka deklaruar se nuk merret me emra të përveçëm lidhur me emërimet në shërbimin diplomatik, duke iu referuar rastit të mbesës së ministrit të Punëve të Brendshme, Xhelal Sveçla, e cila është raportuar në media se është emëruar Sekretare e Dytë në Ambasadën e Kosovës në Uashington.

Konjufca ka thënë se emërimet dhe lëvizjet brenda Ministrisë së Punëve të Jashtme bëhen nga një komision i pavarur, ndërsa roli i tij është vetëm nënshkrimi i vendimeve që i propozohen.

“Nuk merrem me emra të përveçëm, ato i bën një komision i pavarur brenda MPJ-së, domethënë i kemi bërë 54 lëvizje, ata m’i sjellin, unë vetëm i nënshkruaj”, ka deklaruar Konjufca.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.