“Rruga jote ishte shtëpi, punë e xhami”, reagon familjari i personit të vrarë mbrëmë në Prishtinë

Një person është vrarë dhe një është plagosur nga të shtënat me armë zjarri në rrugën “Rrustem Hyseni” në Prishtinë mbrëmjen e së martës.

Personi që humbi jetën si pasojë e plagëve të marra nga sulmi me armë është Naser Gashi, përreth të 60’ave.

Lidhur me vrasjen e tij kanë reaguar familjarë të ndjerit.

“Euu tezak shpirti dritë të baftë. Rruga jote ishte shtëpi, punë e xhami. Kur vrasësit vrasin edhe mysafirët në restorant”, ka shkruar Afrim Veseli në Facebook.

Policia e Kosovës ka dhënë detaje të reja për vrasjen mbrëmë në Prishtinë.

Njoftimi i policisë për rastin:

Prishtinë 25.03.2025-22:25. Raportohet se dy persona të armatosur dhe të maskuar kanë shtënë me armë zjarri në drejtim të dy viktimave meshkuj kosovarë dhe si pasojë njëri nga viktimat ka ndërruar jetë në QKUK, ndërsa viktima tjetër gjendet në tretman mjekësor. Në vendin e ngjarjes kanë dal të gjitha njësitet përkatëse policore. Me vendim të prokurorit, trupi i pajetë i viktimës dërgohet në IML për obduksion.