Shoferët e taksive protestojnë përsëri kundër Uber-it

Më shumë se 150 shoferë taksish nga Gjeneva protestuan dje në mes të qytetit, duke pretenduar se Uber po vepron në mënyrë të paligjshme dhe duhet të ndalohet.

Shoferët u takuan në Place Neuve dhe marshuan drejt Qytetit të Vjetër, transmeton albinfo.ch.

Ata pretendojnë se Uber ka qenë i paligjshëm që nga vendimi i Gjykatës Federale muajin e kaluar që zbuloi se kompania i punëson shoferët dhe duhet t’i trajtojë ata si punëtorë.

Shoferët e taksive thonë se Uber është konkurrencë e padrejtë.

Ata gjithashtu thonë se duhet të jenë të trajnuar, të njohin rrugët e qytetit dhe nuk kanë nevojë të mbështeten në GPS.

The post Shoferët e taksive protestojnë përsëri kundër Uber-it appeared first on Albinfo.