“Shtet europian”, Komiteti për Çështje Ligjore pro anëtarësimit të Kosovës në Këshillin e Europës, Knaus: Nesër votimi historik

Gerald Knaus nga Iniciativa Europiane për Stabilitet ka njoftuar se në Komitetin për Çështje Ligjore dhe të Drejta të Njeriut në Këshillin e Europës sot është votuar unanimisht pro aplikimit të Kosovës për anëtarësim.

Knaus u lajmëra përpara objektit të KiE në Strasburg, nga ku tha se votimi ishte “unanim”, përpara “votimit historik” në seancën e nesërme kur Asambleja Parlamentare do ta shqyrtojë raportin që rekomandon anëtarësimin e Kosovës.

⁩”Pak javë më parë, komiteti politik votoi në Paris për pranimin e Kosovës: 31 pro. Sot komisioni ligjor votoi: unanimisht!!”, shkroi Knaus në “X”.

Ky komitet, Knaus tha se konfirmoi raportin e ish-kryediplomates greke, Dora Bakoyannis se Kosova duhet të pranohet në Këshillin e Europës. Komiteti e përgëzoi atë për “një raport të shkëlqyer” dhe tha se vendi i ka plotësuar kriteret.

Komiteti “ndan konkluzionin në draft opinionin statutor se Kosova ka arritur standardin minimal të kërkuar për anëtarësim në Këshillin e Europës edhe në fushën e çështjeve ligjore dhe të të drejtave të njeriut, edhe pse reforma duhet të vazhdojë”.

Komiteti konsideron se “Kosova është një ‘shtet europian’ për qëllimet e nenit 4 të Statutit të Këshillit të Europës dhe kritereve të shtetësisë sipas të drejtës ndërkombëtare”.

Prandaj, Komiteti tha se “mbështet përfundimin e draft opinionit statutor që favorizon anëtarësimin e Kosovës në Këshillin e Evropës”.

Kosova bëri një hap drejt anëtarësimit në Këshillin e Europës më 27 mars. Me gjithë votën kundër të Serbisë dhe dy vendeve të tjera, Komiteti për Politikë dhe Demokraci i KiE e miratoi raportin e raportueses për Kosovën, Dora Bakoyannis, i cili rekomandoi se vendi ika plotësuar kushtet për t’u bërë anëtarësuar plotësisht në Këshillin e Europës.

Asambleja Parlamentare do të diskutojë nesër për këtë dhe nëse ajo e jep dritën e gjelbër, atëherë fjalën përfundimtare duhet ta japë Këshilli i Ministrave të Këshillit të Europës në maj.

Council of Europe, Strasbourg

Gaining momentum before historic vote in plenary tomorrow on Kosovo joining ⁦@coe⁩

A few weeks ago, the political committee voted in Paris to admit Kosovo: 31 to 4 voted for.

Today the legal committee voted: unanimously!! How? Check

— Gerald Knaus (@rumeliobserver) April 15, 2024

Tags Kerko

Kete lajm mund ta gjeni direkt ne linqet me posht:
Gerald Knaus Iniciativa Europiane Stabilitet Komitetin Ligjore Drejta Njeriut Europ Kosov Strasburg Asambleja Parlamentare Paris Bakoyannis Kosova Komiteti Statutit Prandaj Evrop Serbis Politik Demokraci Ministrave Council Europe Strasbourg Gaining Kosovo Today Check April

Kerko ne Google fjalet :

Kliko mbi fjalet me posht shfaqet kerkimi:
Gerald Knaus Iniciativa Europiane Stabilitet Komitetin Ligjore Drejta Njeriut Europ Kosov Strasburg Asambleja Parlamentare Paris Bakoyannis Kosova Komiteti Statutit Prandaj Evrop Serbis Politik Demokraci Ministrave Council Europe Strasbourg Gaining Kosovo Today Check April

Shiko videon ...