Shtyhen bisedimet e paqes mes SHBA-së dhe Evropës për Ukrainën

Ministria e Jashtme e Mbretërisë së Bashkuar ka konfirmuar se bisedimet ministrore të paqes në Ukrainë me homologët amerikanë dhe evropianë që ishin planifikuar të zhvilloheshin të mërkurën janë shtyrë.

Sekretari amerikan i Shtetit Marco Rubio, ka thënë se nuk mund të merrte pjesë.

Ndërkohë sekretari i Jashtëm britanik, David Lammy ka thënë se ka pasur diskutime produktive me Rubion, por ka lënë të kuptohet se ato do të zhvilloheshin në një nivel pak më të ulët.

“Bisedimet vazhdojnë me ritëm dhe zyrtarët do të takohen nesër në Londër. Ky është një moment kritik për Ukrainën, Britaninë dhe sigurinë euroatlantike”, ka thënë ai.

Britania i ka vënë një theks të rëndësishëm bisedimeve, teksa delegacione nga Franca dhe Gjermania gjithashtu do të merrnin.