Po trajtohej në QKUK, vdes gruaja e cila u sulmua nga djali në Klinë

Ka vdekur gruaja e cila ishte duke u trajtuar në QKUK pasi më 5 shtator është sulmuar me mjet të fortë nga djali i saj i cili vuante nga probleme të shëndetit mendor.

Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion, me qëllim të përcaktimit të rrethanave dhe shkakut të vdekjes.

Rasti i cilësuar si “vrasje e rëndë” është nën hetim nga organet kompetente.

“Lidhur me rastin, me 05.10.2026 në QKUK , ka ndërruar jetë viktima femër kosovare. Me vendim të prokurorit, trupi i pajetë dërgohet në IML për obduksion”, tha policia.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.