Trump shpall planin tarifor/ Mema: SHBA pritet të ketë rënie të frikshme ekonomike, do të ndikojë gjithashtu në Evropë dhe Kinë

Medlir Mema, eksperti i çështjeve ndërkombëtare komentoi vendosjen e tarifave të reja nga SHBA. Sipas tij, këto tarifa do të ulin ndjeshëm ekonominë amerikane dhe se do të preket gjithashtu edhe Europa dhe Kina. Më tej, eksperti tha se Trump ka përdorur tarifat për efekt politikë dhe jo ekonomik.

“Kemi disa raporte që rrezikojmë me 40 për qind për një recesion global. Për shkak të tarifave mund të kemi ulje të rritjes ekonomike. Modelet tregojnë se ndikon negativisht në rritjen ekonomike dhe në depresion ekonomik. Vetë FMN ka llogaritur se nëse tarifat rriten me 10 % dhe reagon Europa dhe Kina mund të ulet prodhimi në Amerikë. SHBA pritet të ketë një rënie ekonomike dhe do të ndikojë edhe Europën dhe Kinën. Asnjëri nuk fiton në këtë luftë tregtare dhe ndikon dhe në marrëdhëniet bilaterale mes shteteve.

Britania e madhe ka reaguar shumë butë, edhe Meksika ka reaguar në mënyrë të tillë.  Edhe Koreja e Jugut dhe Japonia kanë marrë një lloj qasje, priten tarifat dhe një mundësi e dytë për të reaguar. Trump ka përdorur gjuhën e tarifave për arritje politike dhe jo ekonomike.”

/ abcnews.al