Turp në mundje: Presidenti i Federatës Ruse e quan tradhtar kampionin shqiptar

Një gjest i turpshëm ka ndodhur gjatë ndarjes së medaljeve në Kampionatin Evropian të Mundjes që u zhvillua në Bratislavë të Sllovakisë.

Presidenti i Federatës Ruse të Mundjes dhe Zv/Presidenti i Federatës Botërore të Mundjes, Mikhail Mamiashvili, në momentin e dorëzimit të medaljes së Artë për Chermen Valiev, si Kampion Evrope për Shqipërinë, ka bërë një gjest skandaloz, duke ushtruar forcë teksa i vendoste në qafë medaljen dhe më pas duke e shtyrë me duar, shkruajnë mediat shqiptare, transmeton albinfo.ch.

Gjatë këtij momenti është dëgjuar edhe fjala ‘tradhtar’ për Chermen Valiev, që ka zgjedhur të garojë për Shqipërinë.

The post Turp në mundje: Presidenti i Federatës Ruse e quan tradhtar kampionin shqiptar appeared first on Albinfo.