Vendimet që mori Qeveria e Maqedonisë së Veriut pas tragjedisë në Koçan

Në një mbledhje të jashtëzakonshme të mbajtur mbrëmjes e së dielës, qeveria e Maqedonisë së Veriut ka marr disa vendime në lidhje me tragjedinë në Koçan.

“Shpallëm 7 ditë zie shtetërore në nderim të viktimave; Ngarkuam Inspektoratin Shtetëror të Tregut që, brenda tre ditëve të ardhshme, të kryejë mbikëqyrje të jashtëzakonshme në kabaretë, klubet e natës dhe diskotekat në gjithë vendin, duke raportuar menjëherë tek Qeveria mbi gjetjet; Aktivizuam mekanizmin e asistencës ndërkombëtare për mbështetje në këtë situatë të rëndë për vendin”, ka njoftuar Arbër Fetai, zëvendëskryeministër i Maqedonisë së Veriut.

Në një klub nate në Koçan, zjarri që shpërtheu orët e para të së dielës la të vdekur 59 të rinj e mbi 150 të lënduar, transmeton albinfo.ch.

The post Vendimet që mori Qeveria e Maqedonisë së Veriut pas tragjedisë në Koçan appeared first on Albinfo.