Venezuela ndërpret marrëdhëniet diplomatike me Paraguajin

Qeveria e Venezuelës tha në një deklaratë të hënën se do të ndërpresë marrëdhëniet diplomatike me Paraguajin dhe do të largojë diplomatët e saj nga vendi tjetër i Amerikës së Jugut, një ditë pasi presidenti paraguaian Santiago Pena shprehu mbështetjen për opozitën e Venezuelës.

Ky vendim vjen disa ditë përpara se presidenti venezuelian Nicolas Maduro të inaugurohet për mandatin e tij të tretë, pas zgjedhjeve të kontestuara të korrikut që ai dhe ish-kandidati i opozitës Edmundo Gonzalez pretendojnë se i kanë fituar.

Pena, i cili është në mesin e disa liderëve botërorë, duke përfshirë presidentin e SHBA Joe Biden, i cili e konsideron Gonzalez-in si presidentin e zgjedhur të Venezuelës, tha të dielën se ai kishte folur me Gonzalez-in dhe se është përkushtuar të ndihmojë në rivendosjen e demokracisë në Venezuelë./abcnews.al