Vëzhguesit e BE-së në Kosovë thonë se pati ndikim nga Grenell

Shefja e Misionit të Bashkimit Evropian për Vëzhgimin e Zgjedhjeve në Kosovë (EOM), Nathalie Loiseau, anëtare e Parlamentit Evropian, ka thënë se deklaratat e emisarit të Administratës Trump për Misione të Posaçme, Richard Grenell, janë ndërhyrje të cilat mund të vlerësohen si diçka jodiplomatike.

“Dua të përgëzoj votuesit që morën pjesë në këto zgjedhje historike pas një mandati të plotë. Këto janë zgjedhjet e para pas ndryshimeve të ligjit në të cilin ka pasur rekomandime të BE-së. Në përgjithësi dita e zgjedhjeve ishte e qetë. Fazat kritike të procesit zgjedhor ende mbeten për tu përfunduar. Vështirësitë janë bërë të dukshme gjatë fazës së numërimit. KQZ-ja ka pasur sfida gjatë punësimit, trajnimit dhe prokurimit. Duhet të ketë transparencë të plotë për ato gjëra që nuk po shkojnë si duhet dhe pse”, ka thënë ai.

Ajo tutje ka shprehur shqetësim edhe për gjuhën e përdorur nga partia që ka qenë në pushtet deri tani.

“Kemi vërejtur me brengosje gjuhën negative nga partia në pushtet ndaj medias. Transmetuesit kanë dhënë kohë të barabartë për të gjitha partitë. Transmetuesi publik ka mundur të kontribuojë më shumë me komunitetet. Fushata në komunat me shumicë serbe ishte më e përmbajtur se në komuna tjera. Kemi pasur ndërhyrje nga Grenelli që kritikoi kryeministrin Kurti, kjo mund të vlerësohet si diçka jodiplomatike”, ka thënë ajo.

Ajo ka shtuar se trupat zgjedhore duhet të mbesin të pavarura nga ndikimet politike.

The post Vëzhguesit e BE-së në Kosovë thonë se pati ndikim nga Grenell appeared first on Albinfo.