Zelensky: Kina po furnizon me armë Rusinë

Presidenti ukrainas Volodymyr Zelensky ka akuzuar Kinën se po ndihmon Rusinë duke e furnizuar atë me armë.

“Ne kemi informacione nga shërbimi i inteligjencës SBU se Kina po furnizon me armë Rusinë”, u tha sot Zelensky gazetarëve në Kiev, duke shtuar se ai synon të japë informacion më të detajuar javën e ardhshme.

Ai gjithashtu pohoi se përfaqësuesit e Kinës po prodhojnë armë në territorin rus.

Ukraina e ka mbrojtur veten kundër pushtimit rus në shkallë të plotë – me mbështetjen perëndimore për më shumë se tre vjet.