Zvicër: Rritje masive e numrit të rasteve të krimeve të dhunshme

Statistikat më të fundit të Policisë Federale të Krimeve për 2024 tregojnë një rritje të konsiderueshme të krimeve të dhunshme dhe krimit kibernetik në Zvicër, duke shënuar një trend që vazhdon nga vitet 2022 dhe 2023. Gjithsej 2,456 raste të dhunës së rëndë janë regjistruar në të gjithë vendin, një rritje prej 399 krimesh krahasuar me vitin e kaluar, që përfaqëson një rritje prej pothuajse 20 për qind.

Ky raport është një pikë referimi për situatën e sigurisë në Zvicër, ku krimi ka pësuar një rritje disproporcionale në vitin 2024 krahasuar me rritjen e popullsisë. Në kantonin e Cyrihut, për shembull, policia raportoi një rritje prej 3 për qind të krimeve të dhunshme. Oficerët e policisë janë thirrur gjithsej 21 herë në ditë për incidente dhune në familje ose mosmarrëveshje familjare, shkruan SRF.

Ndërkohë, numri i krimeve mes popullsisë rezidente zvicerane dhe të huaj është në rënie, por është rritur me më shumë se 3 për qind mes azilkërkuesve dhe “të huajve të tjerë”. Krimet kibernetike kanë vijuar gjithashtu të rriten, duke shtuar shqetësimet për sigurinë në internet dhe përballimin e kërcënimeve të vazhdueshme nga krimi digjital.

Pavarësisht rritjes së popullsisë, autoritetet zvicerane janë të shqetësuara për këtë zhvillim dhe po shqyrtojnë masat e nevojshme për të përballuar këtë valë të re krimesh në vend, përcjell albinfo.ch.

The post Zvicër: Rritje masive e numrit të rasteve të krimeve të dhunshme appeared first on Albinfo.