Zvicra, e ndarë rreth masave që Rusia mori ndaj Nestle-s

Rusia ka vendosur dy degë të Nestlé dhe një kompani franceze në vend, nën administrim të detyruar. Deputetja e PS, Franziska Roth, tani po kërkon që Zvicra të japë një përgjigje lidhur me rastin.

Ajo thotë se veprimet e presidentit rus Putin janë të papranueshme. Zvicra duhet “absolutisht të shqyrtojë dhe të ndërmarrë hapa ligjorë dhe politikë në konsultim të ngushtë me vendet e tjera evropiane”, transmeton albinfo.ch.

Ng ana tjetër deputeti federal i SVP, Roland Rino Büchel, beson se përgjigja e Zvicrës është e kufizuar, veçanërisht ajo ekonomike, shkruan srf.ch.

“Kjo do të ishte gjëja më budallaqe për të bërë; atëherë do të tregonim saktësisht se paratë dhe investimet nuk janë të sigurta as këtu”.

Siç është raportuar më parë, dy degë të Nestlé në Rusi janë vendosur nën administrimin shtetëror.

Konkretisht, kjo do të thotë që Nestlé mbetet pronari, por nuk mund të kontrollojë më zotërimet. Një kompani ruse tani do të marrë përsipër këtë përgjegjësi, siç njoftoi Vladimir Putin në dekretin e tij presidencial.

Presidenti rus gjithashtu ka vendosur operacionet ruse të dy kompanive franceze nën administrimin shtetëror.

Vetë Nestlé nuk ka komentuar ende konkretisht për këtë çështje, duke deklaruar se është ende duke shqyrtuar faktet.

Shteti rus ka marrë më parë kontrollin e kompanisë franceze Danone dhe fabrikës së birrës Carlsberg.

The post Zvicra, e ndarë rreth masave që Rusia mori ndaj Nestle-s appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.