Zvicra vendos sanksione ndaj tetë mediave ruse

Zvicra ka vendosur të zgjerojë listën e saj të sanksioneve duke përfshirë tetë media ruse, sipas një njoftimi zyrtar nga Sekretariati i Shtetit për Çështjet Ekonomike (SECO).

Në listën e re përfshihen: portali i lajmeve Lenta.ru, televizioni Zvezda, gazeta Krasnaya Zvezda, si dhe agjencitë News Front, SouthFront, RuBaltic.ru dhe Fondacioni Strategic Culture. Masat kufizuese do të hyjnë në fuqi më 23 prill, përcjell albinfo.ch.

Ky vendim vjen në vijim të sanksioneve të Bashkimit Evropian, i cili më 24 shkurt prezantoi paketën e 16-të të masave ndëshkuese kundër Rusisë. Në kuadër të saj, BE-ja ndaloi transmetimin e disa mediave të ngjashme, përfshirë ato që tashmë janë në listën e sanksioneve të Zvicrës.

Kjo lëvizje synon të frenojë përhapjen e dezinformimit dhe propagandës nga mediat që akuzohen për afilacione të ngushta me Kremlinin.

The post Zvicra vendos sanksione ndaj tetë mediave ruse appeared first on Albinfo.