Zyra e Migracionit lejoi të kthehet në Zvicër kosovarin e dënuar shumëfish

Edhe pse ai kishte tetë dënime të mëparshme dhe ishte dëbuar nga Zvicra, një kosovar 48-vjeçar u lejua të hynte sërish në vend. Ai është aktualisht në burg të parakohshëm dhe çështja e tij do të kthehet në gjykatë.

Për shkak të një avarie në zyrën e migracionit në Cyrih, një kriminel, i cili ishte dënuar disa herë, mundi të kthehej në Zvicër dhe të vazhdonte deliktet e tij këtu, transmeton albinfo.ch. Kosovari kishte drejtuar një plantacion shtëpiak mariuane, kishte fshehur para autoriteteve vëllanë e tij, i cili ishte arratisur nga leja e burgut dhe kishte hedhur në erë një bankomat në Dietlikon ZH më 31 gusht 2021. Sipas aktakuzës, zjarri nga shpërthimi kishte një diametër prej dhjetë metrash dhe dëmi pasuror llogaritet në 69 mijë franga.

Por si ndodhi që, ndonëse i dëbuar nga Zvicra për deliktet e kryera ai mori sërish leje qëndrimi, pavarësisht nga një precedent i gjatë penal dhe një ndalim hyrje?

Kosovari, mjeshtër për riparim te karrocerive qe dënuar disa herë midis viteve 1996 dhe 2006, shkruan 20minuten.ch. Ai u dënua ligjërisht tetë herë, me burgim kumulativ prej rreth 40 muajsh. Zyra e Migracionit e Kantonit të Cyrihut ia hoqi lejen e qëndrimit në vitin 2009 dhe në prill 2011 Gjykata Federale konfirmoi këtë vndim. Prandaj, ai duhej të largohej nga Zvicra në shtator 2011. U vendos një ndalim hyrje për pesë vjet.

Ndërkohë, para  se të largohej ai kishte organizuar importin e 110 kilogramëve hashash nga Kosova në Zvicër nëpërmjet Shqipërisë dhe Italisë. Në zonën kufitare Kosovë-Shqipëri ai qe arrestuar në flagrancë nga autoritetet shqiptare me sasinë e përmendur të drogës, pe¨rcjell albinfo.ch . Në vitin 2012 ai u dënua me shtatë vjet e tetë muaj burg në Shqipëri.

Një çështje që përfshinte shitjen e dhjetë kilogramëve hashash në kantonin e Cyrihut qe ndërprerë më pas.

Një dosje e pastër kriminale nga Kosova mundëson kthimin e tij në Zvicër

Kosovari në vitin 2016 ka paraqitur në zyrën e migracionit kërkesë për leje hyrje me qëllim të bashkimit familjar – gruaja dhe fëmijët e tij jetojnë në Zvicër, transmeton albinfo.ch. Kërkesës ai i ka shtuar një dosje të pastër kriminale nga Kosova dhe një konfirmim nga policia e Kosovës që dëshmon se nuk ka të kaluar kriminale në Kosovë.

Edhe pse ishte ende i regjistruar në dosjen penale zvicerane me dy dënime nga viti 2008 dhe 2009, zyra e migracionit i dha kosovarit leje hyrjeje vetëm një muaj më vonë. Ai ka ardhur në Zvicërpak më vonë.

The post Zyra e Migracionit lejoi të kthehet në Zvicër kosovarin e dënuar shumëfish appeared first on Albinfo.