“Alarm i kuq” në Itali/ Moti i keq godet pjesën veriperëndimore, rrugët kthehen në “liqene”
ITALI- Pamjet e publikuara në rrjete sociale tregojnë përmbytjet ekstreme në rrugët e Italisë teksa është lëshuar një alarm i kuq për mot të keq. Veriu i vendit është goditur nga stuhitë, duke shkaktuar rrëshqitje dherash. Rrugët dhe vendkalimet janë zhytur plotësisht në ujë. Pamjet e tjera tregojnë sipërfaqe të mëdha toke nën ujë, me [...]Read More...
ITALI- Pamjet e publikuara në rrjete sociale tregojnë përmbytjet ekstreme në rrugët e Italisë teksa është lëshuar një alarm i kuq për mot të keq. Veriu i vendit është goditur nga stuhitë, duke shkaktuar rrëshqitje dherash.
Rrugët dhe vendkalimet janë zhytur plotësisht në ujë. Pamjet e tjera tregojnë sipërfaqe të mëdha toke nën ujë, me fusha që ngjajnë si liqene, raportojnë mediat e huaja.Raportohet se rajoni i Piemonte, në veriperëndim të Italisë, shpalli gjendjen e jashtëzakonshme të enjten pasi po përballej me motin e tmerrshëm.
Shiu i rrëmbyeshëm dhe stuhitë e pamëshirshme goditën zonën, duke shkaktuar përmbytje dhe ndërprerje masive trafiku dhe shërbimet hekurudhore. Torino mbylli aksesin në zonat e brigjeve të lumit si masë sigurie dhe një stacion hekurudhor.
