Banesat e reja shumë më të shtrenjta në Zvicër ! Ja sa është çmimi ?

Blerja e një banese të re në Zvicër mund të kushtojë dukshëm më shumë sesa blerja e një banese ekzistuese. Një analizë e çmimeve në 102 qytete zvicerane tregon se diferencat në disa zona janë veçanërisht të mëdha.

Të dhënat e kompanisë së pasurive të paluajtshme Lookmove, të cilat i referohen vitit 2025, krahasojnë çmimin mesatar për metër katror të banesave të reja me atë të banesave ekzistuese.

Diferenca më e madhe është regjistruar në Brig, në kantonin Valais. Atje, çmimi për një banesë ekzistuese është rreth 5,446 franga për metër katror, ndërsa për një banesë të re arrin pothuajse 9,500 franga. Kjo përfaqëson një diferencë prej rreth 74 për qind.

Diferenca të mëdha janë regjistruar gjithashtu në Arlesheim të Basel-Landschaft dhe Kriens të Lucernit, ku banesat e reja kushtojnë përkatësisht rreth 70 dhe 55 për qind më shumë, shkruan Watson.ch, transmeton albinfo.ch.

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.