Von Cramon mirëpret lajmin për mosbashkëpunimin mes Listës së Studentëve dhe Listës Serbe

Eurodeputetja Viola von Cramon ka mirëpritur lajmin se Lista e Studentëve, e cila ka fituar zgjedhjet në Serbi, nuk do të bashkëpunojë politikisht me Listën Serbe në Kosovë.

Përmes një reagimi në platformën X, Von Cramon e ka cilësuar këtë zhvillim si një ndryshim të rëndësishëm politik.

“Patjetër që është një ndryshim i madh. Le të shohim se si kjo mund të ndikojë në marrëdhëniet e përgjithshme ndërmjet Kosovës dhe Serbisë. Por tingëllon premtuese”, ka shkruar ajo.

Ky reagim vjen pas raportimeve se nuk do të ketë bashkëpunim politik ndërmjet Listës së Studentëve dhe Listës Serbe, e cila qeveris në të dhjetë komunat me shumicë serbe në Kosovë.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.