Ecën përpara plani për lidhjen e drejtpërdrejtë të trenit Londër-Zvicër

Hekurudhat Federale të Zvicrës po përparojnë me planet për një lidhje të drejtpërdrejtë hekurudhore midis Londrës dhe Zvicrës deri në vitin 2030. Ministri i Transportit Albert Rösti dhe homologja e tij britanike Heidi Alexander nënshkruan një deklaratë në Londër.

Ky dokument “hedh themelet për përgatitjen e hapave të ardhshëm së bashku”, tha Rösti në një deklaratë për shtyp të botuar të premten, shkruan swissinfo. “Një lidhje e këtij lloji do të dërgonte një sinjal të fortë për transportin publik ndërkombëtar dhe marrëdhëniet me Mbretërinë e Bashkuar”.

Ky njoftim vjen pasi qeveria synon të bëjë shkurtime në transportin hekurudhor ndërkombëtar, veçanërisht gjatë natës, përcjell albinfo.ch.

Asnjë subvencion shtetëror nuk është planifikuar për funksionimin e linjës Londër-Zvicër, tha për agjencinë zvicerane të lajmeve Keystone-ATS, Franziska Ingold, shefe e komunikimeve në ministrinë e transportit. Prandaj, projekti nuk bie ndesh me planin e kursimeve të qeverisë, shtoi ajo.

The post Ecën përpara plani për lidhjen e drejtpërdrejtë të trenit Londër-Zvicër appeared first on Albinfo.